O informe Seniors Dixitais difunde os datos da enquisa estrutural aos fogares que desenvolve anualmente o Instituto Galego de Estatística, analizando os usos dixitais das persoas a partir dos 65 anos, comparándoos co resto da poboación.
Usos de internet
O uso de internet entre os galegos e galegas maiores de 74 anos creceu máis dun 30% no último ano e xa o emprega case un terzo destes usuarios . Con este incremento Galicia supera, por primeira vez a cifra das 100.000, persoas usuarias da rede nesta franxa de idade, e constata a progresiva incorporación do colectivo das persoas maiores ao uso da tecnoloxía.
O uso de internet entre as persoas de 65 e 74 creceu un 13,5% nun ano. Ademais, o documento sinala que máis de 60.000 persoas desta franxa de idade se incorpor
Máis do 17% das persoas maiores de 74 anos realizan compras en liña, un 50% máis que hai tres anos e no tramo de 65 a 74 anos, a cifra sitúase en preto do 26%.
Cerca dun 65% das persoas de entre 65 e 74 anos e máis do 40% dos maiores de 74 anos fan uso da administración dixital para realizar as súas xestións.
Outras das actividades máis habituais do internautas seniors son a busca de información sobre produtos ou servizos, as chamadas e videochamadas –usadas polo 86,9% das persoas de 65 a 74 anos e polo 79,5% das maiores de 74–, así como a lectura de noticias, xornais e revistas en liña.
Dispositivos e conexión
Hai un incremento no uso de dispositivos electrónicos: o 83,4% das persoas de 65 a 74 anos emprega smartphone, mentres que no grupo de maiores de 74 a cifra alcanza o 43,1%. Máis dun terzo das persoas entre 65 e 74 anos usa ordenador, fronte a un 11% no caso dos maiores de 74.
En canto á conexión a internet nos fogares, o 67,6% que teñen residentes maiores de 74 anos dispoñen xa de internet, un 7,1% máis que no ano anterior. Ademais, máis do 78% destes fogares contan con velocidades iguais ou superiores a 30 Mbps.
A análise tamén pon de manifesto diferenzas segundo o sexo: mentres que no tramo de 65 a 74 anos o acceso a internet é practicamente idéntico entre homes e mulleres, a partir dos 74 anos a fenda amplíase, con 34,2% de internautas homes fronte ao 26,1% de mulleres.
